مطعم افوكادو في الرياض - Avocado

مطعم افوكادو
Avocado

كما عودتك ، اليوم أقدم لكم تقرير عن مطعم جديد زرته أنا و المعزبة.
المطعم هذا تكلم عنه الكثير من قبل و حتى أنا حاولت أمره من قبل لكن كان دائم مزحوم و أنا من النوع اللي ما يحب الانتظار.

لذلك للي مثلي ما يحب الزحمة ففضل وقت للذهاب الي أي مطعم هو بعد صلاة العصر.

مطعم افوكادو في الرياض - Avocado 001

صور للمطعم من الخارج

المطعم يقع على طريق الملك عبدالله و قبل تقاطعه مع طريق الملك عبدالعزيز ، المطعم يجيك على اليمين و أنت متجه شرق (في الجهة المقابلة لأسواق صحاري).

مطعم افوكادو في الرياض - Avocado 003

هذي صور من داخل المطعم

مطعم افوكادو في الرياض - Avocado 005

هذي صوره لأحد الجلسات في المطعم.

لان المطعم كان شبه فاضي فنا أخذت راحتي في اختيار الطاولة المناسبة ، و كانت أفضل طاولة هي اللي بجانب النافورة الموجودة في الصورة الرابعة.

جانا الجرسون و أعطانا قائمة الطعام.

مطعم افوكادو في الرياض - Avocado 006

هذي صورة لقائمة الطعام

أكثر ما أعجبني في قائمة الطعام أنها مقسمة لعدة أجزاء ، جزء للأكل الاسباني ، جزء للأكل الفرنسي ، جزء للأكل الايطالي و جزء لمأكولات خاصة بالمطعم.
لكن الشيء اللي ما أعجبني في قائمة الطعام هو ربعنا اللي أذا استلمو قائمة الطعام بدو يشخمطون عليها و كإنهاء الكلمات المتقاطعة في احد الصحف المحلية.

بعد ما انتهيت من تصفح قائمة الطعام طلبت أنا و المعزبة ما يلي:

- دايت ببسي = 4 ريال
- كوكتيل للمعزبة رهيب بس نسيت أسمة = 15 ريال
- شوربة استكوزا لي أنا = 35 ريال
- شوربة حريره مغربية للمعزبة = 18 ريال
- و مقبلات فرنسية زي السبرنق رول بالجينة = 18 ريال

طبعاً قبل ما تجئ الطلبات جابو لنا خبز عربي بر حجمه صغير و شوي مهروس الافوكادو و مهروس الزيتون.

مطعم افوكادو في الرياض - Avocado 007

هذي صورة للمقبلات الفرنسية و إمامها مهروس الافوكادو و الزيتون.

مطعم افوكادو في الرياض - Avocado 008

هذي شوربة الاستكوزا

مطعم افوكادو في الرياض - Avocado 009

و هذي شوربة الحريرة

شوربة الاستكوزا الحقيقة كانت مهبولة و حتى شوربة الحريرة تقول المعزبة أنها ممتازة و حتى ازين من حقت مطعم مراكش المغربي.

أما بالنسبة للمقبلات الفرنسية فهي أيضا كانت ممتازة.

إثناء ما كنت أنا و المعزبة نشتغل على المقبلات ناديت الجرسون و طلبنا الوجبة الرئيسية ، جى الجرسون و الحمدلله ما كان نفس الجرسون اللي اخذ الطلب الأول لأنه كان شوي شايف نفسه مدري ليه و حتى ابتسامه ما تلقاها على شفايفة.
أما الجرسون الثاني فكان جداًُ ممتاز و خفيفة نفسه (كان لابس قميص كحلي مندون جكيت).

أنا و بعد تقليب مطول في قائمة الطعام (كل اللي في القائمة من الأكل كان مشهي) قررت اطلب أكله اسبانية اسمها (بيلا) أو زي ما يسميها المغاربة (بقايا) ، أما المعزبة فهي ما عرفت وش تطلب لذلك طلبت بالنيابة عنها اسكلوب دجاج (هي تحب الاسكلوب).

مطعم افوكادو في الرياض - Avocado 010

هذي البيلا

مطعم افوكادو في الرياض - Avocado 011

و هذا اسكلوب الدجاج.

البيلا و الحق يقال هي أفضل ما ذقت ألي ألان في الرياض ، أما الاسكلوب فكان زين لكن اعتقد لو استخدمو دجاج امتن شوي كان ازين.
المأخذ اللي أنا أخذت على البيلا هو المقلات أو الصحن اللي هم قدموه فيه (تلاحظون إطراف المقلات في ألصوره)، صحيح أن البيلا تنطبخ في الفرن لكن وجود سواد واضح على أطراف المقلات شوهت من منظره و اعتقد كان ممكن يستخدمون صحن من الزجاج المخصص للفرن.

بعد ما انتهينا من الأكل و أنا نظفت صحن البيلا تنظيف طلبنا الفاتورة و كانت بسعر معقول نوعاً ما ، 230 ريال منها 30 ريال رسم خدمة.

مطعم افوكادو في الرياض - Avocado 012

هذي صورة من الفاتورة

ملاحظات على المطعم:

- ديكوراتهم جداً ممتازة.

- اعتقد أنهم بالغو شوي في موضوع الأنوار الخافتة ، صحيح أن المقصود منها هو الجو الرومنسي لكن لو يزيدون الإضاءة شوي كان احسن.

- الجرس اللي هم حاطينة عشان تطلب عن طريقة الجرسون ، ما عندك احد سواً دقيت الجرس أو لا محدن جايك ولا فيه غير انك تنتظر احد يمر و تنادي علية.

- السعر كان جداً معقول.

- صحن البيلا ضيق صدري و يبي لهم يشوفون له حل.

- المطعم له موقع الكتروني هو:

www.avocado.com.sa

- اعتقد يبي لهم يراجعون موضوع طريقة استقبال الجرسون لزوار المطعم.

- المطعم انصح فيه من جد لان الأكل فيه يستأهل.

لكم مني جميعاً الشكر و التحية__________________

..|..\..|..

مشكورة قلوب العاشقين على الموضوع الرائع

والله لايحؤمنا منك ولا من جديدك

تقبلى مرورى

..|..\..|..

تسلم إيدك قلوب
والله جوعتني

حلووه مررررره ..

يسسلموو ..

ننتظر جديدك..