الرئيسيةمكتبة الصورالتسجيلدخول

شاطر | 
 

 قولوا عليا مسطول....!! ( حكايات موش من هنا ولكن من هناااااااااك)

اذهب الى الأسفل 
كاتب الموضوعرسالة
مانورة
°•°• مشرفه قسم السياحة والسفر•°•°
°•°• مشرفه قسم السياحة والسفر•°•°
avatar

انثى
المشآركـآت : 1110
عمرى : 24
my best site : Hams elil
المكان : مصر
محل الميلاد : السعودية
التقييم : 9
عدد النقاط : 27068

مُساهمةموضوع: قولوا عليا مسطول....!! ( حكايات موش من هنا ولكن من هناااااااااك)   الأربعاء 29 يوليو 2009 - 4:37

[size=25]قولوا عليا مسطول..!!



((1))
الجو مفيهوش دائري




أول مرة ركبت فيها طائرة كانت سنة 2067م
وكانت اول مرة برضه للطيار اللى حيقودها
عرفت أن الطيار ده كان أصله سواق ميكروباص لما شفته متدلدل من شباك الطائرة
مناديا على الركاب من أرض المطار ( تعاااااااالى السعودية سريع تعااااااااالى )
ولما قال فى الميكروفون الداخلى للطائرة ( السلام عليكم .. معكم الكابتن عماد فيشة .. أتمنى لكم رحلة سعيدة مفيهاش عسكري فضائي يطلب الرخص ..)
إلتفت الرجل الجالس بجواري وسألني ( هى السعودية اللى ريحنها دي موش هى اللى قبل إمبامبة ..) فهززت رأسي فى لا مبالاة ولم أرد لتجاوبه المضيفة التى سمعت الحديث وقالت في تأفف واضح ( يا أستاذ السعودية دى اللى قبل بولاق الدكرور) ..
فقال رجل عجوز جالس على يمينى ( أهو أنا طلعت السعودية مخصوص بسبب بولاق الدكرور دي ) ولما سالته وكيف ذاك قال لى بحكمة وحنكة الكبار الذين حنكتهم التجارب وخبرتهم الليالي السودة ( إسمع يا سيدى أصلنا فى بولاق بقالنا يجي عشرين سنة يعنى من سنة 2047م معندناش مية اصلهم بيعملوا كوبري حيعدي من عليه جناب المسئول المهم فى الوزارة ، المشكلة بقى ان عدت عشرين سنة والوزارة إتغيرت فلا البيه المسئول عدي ولا الكوبري عملوه ولا المية رجعت فقولت أطلع السعودية اجبلى جركنين ميه من زمزم أجهز بيهم البت أصلها على وش جواز )
أخدني من الشيخ العجوز صوت الكابتن ( عماد فيشة ) الذى رجع مرة ثانية فى ميكروفن الطائرة الداخلى ليقول ( على جميع الركاب ربط الاحزمة وقراءة ربع قرأن وحدووووووه ) ثم بدات المضيفة توزع مصاحف على الركاب وهي تقول ( إنا لله وإنا إليه راجعون هو مكفهوش الميكروباض اللى دخل بيه فى ملاكي على الدائري ) ثم فجأة يعود صوت ( عماد ) فى الميكروفن ( سمعك يا سحر يا روح طنط الجو مفيهوش دائري ) فاضطررت أتدخل لأهدىء من الوضع هاتفا بعلو صوتي ( ولا يهمك يا اسطى .. السحابة الجاية فى أى حتة جمب )


((2))
هي مين المرحومة ..؟!

لاقيت زحمة وناس ماشية وراء ناس اللى بعيط واللى محتاس
وناس مسئولين ماشيين فى الصفوف الاولى وقدامهم عربية عليها صندوق ملفوف بعلم مصر ، مشيت مع الناس الماشية على غير هدى لاقتهم بيعيطوا فعيطت لاقيتهم بينهنهوا فنهنهت
ثم قولت فى نفسي ( هو صحيح مين اللى مات!! ) سألت راجل ماشى جمبي -باين عليه إنه محترم - هو صحيح يا بيه هى دي جنازة مين ؟! ..ظهر الهلع والخوف فى عينيه وحط إيده على فمي وهو يقول لي ( هشششششششش وطى صوتك متودناش فى داهية )
إستغربت جدا هو فيه إيه ، هى الحكاية سر يعنى ولا ايه ؟!
أمال القناوات الفضائية اللى بتصور دى بتصور ليه ؟!

يعنى الكل عارف .. يعنى الكل فاهم .. ما عدا أنا
أنا مصمم إنى أعرف هو فيه إيه.. طلعت للصف القدماني
وسألت رجل عجوز حفر الزمن على وجهه تاريخ من الشقاء
قولتله ( لا مؤاخذه يا عم الحج هو مين المرحوم اللى ماشيين وراه ..)
إقترب منى الرجل فى ثم همس فى أذني ( دى واحدة موش واحد يا أخي ) ..
قولتله مين دي يعنى ؟! .. قاللى ( هسسسسسسسسس ) ثم سكت ، قولت فى نفسى وبعدين
فى ليلتهم السودة دي .. يعني موش حعرف إحنا ماشيين فى جنازة مين ..
تذكرت إن الستات أكثر ثرثرة من الرجال ..
فأقتربت من إحدي النساء التى كانت تلطم وتبكي بحرقة وسألتها
( هى المرحومة كانت بتشتكي من حاجه ؟! ) أخدت الست فى البكاء والعويل والضرب بيدها على صدرها وهى تقولى لي ( ابدا يا خويا ..ابدا يا خويا .. أبدااااااااااااااااااااااااااااااااااااااااا) فسألتها (أمال ماتت إزاي ) سمعنى أحد الرجال المرتدين بدلة سوداء فهتف بي غاضبا ( ماتت إزاي يعنى ايه يا جدع انت، إنت موش بتقرأ جرايد ولا ايه دى إتقتلت يا مغفل ) صرخت بصوت مكتوم ( إتقتلت إزاي يعنى ..) قاللى ( قتلوها بعد ما سرطنوها وفلوسها سرقوها وهي وولادها جوعوها ..) ثم دفعنى بيده بعيدا عنه وهو يقول لي ( إيه فهمت ولا أوضح اكتر ..) قولت له ( نورت المحكمة يا
سرحان ) ثم نظرت إلى اول صف خلف العربة مباشرة التى تحمل القتيلة لأنظر إلى مجموعة غفيرة من الحيتان الكبار يبكون عليها فإذا بى أسمع صوت يهمس خلف أذني لأثنين يحدثوا بعضهما بهمس عن هؤلاء الحيتان ( يقتلوا القتيل وبمشوا فى جنازته ).


((3))
الدكتور غبور والملك خوفو ...!!




عندي صديق أعرفه من 7 ألاف سنة ، إحساسى بيقولى كده
هو الدكتور ( غبور الأستاذ فى علم الطيور ) ، حدثت له أشياء غريبة بعد خطوبته
وهو داء العودة إلى الماضي ، قاللى لي يا صديقى العزيز أنا إستطعت إنى أخترع ألة زمن ، ولما سألتة وناوي تعمل بيها إيه هل حتقابل حتشبسوت ولا حتقاتل فى صفوف أحمس قاللى أنه قرر أنه يرجع لخطيبته في طفولتها علشان يعيش معاها اللحظات اللى فاتتهم سوا ، وبعد هذا اللقاء مع الدكتور غبور إختفى تماما فلم يعثر له على أى اثر لا فى عيادة الطيور ولا فى بيته ولا في أى مكان ، تذكرت موضوع ألة الزمن فقررت أن أبحث فى برديات الملك خوفو وفى تاريخ الطبري وفى تاريخ الجبرتي لعلي أعثر على خبر عن الدكتور غبور فى سجلات التاريخ طالما هو ذهب للماضي ، وجدت بعد بحث طويل فى بردية خوفو خبر عجيب يقول ( شخص مجهول يهاجم موكب الملك خوفو مدعيا أنه طبيب ولقد تعامل معه حرس الملك وأردوه قتيلا ..) كلمت خطيبة الدكتور غبور فى التليفون وقولتلها البقاء لله خطيبك إتقتل وبعد الولوله والنهنه سألتني ( وانت عرفت إزاي ومين اللى قتله ؟) قولتلها قتلة حرس الملك خوفو، فسمعت بعدها صوت سماعة التليفونات تقفل فى وجهي وهى تهتف بي غاضبة ( معاكسات سخيفة ) ، ولا أدري لماذا غضبت هكذا فخطيبتها مات ميتة بطولية فى غابر الازمان وهو يحاول أن يتكلم مع خوفو أمال لو قولتلها مات فى طابور العيش كانت عملت فيا إيه ..!! لذلك قررت أن أنسى موضوع الدكتور غبور هذا إطلاقا وأنكب على عملي حتى فوجئت فى يوم من الايام بغبور يقف أمامي شخصيا ، وبدأ أنه يحكي لي قصته وأنه لم يذهب مطلقا إلى خوفو ولكن اللى ذهب هناك أحد اصدقائه من المعجبين بالملك خوفو ولكن غبور رجع ليقابل خطيبته فى الزمن الماضي عندما كانت طالبة فى الثانوية العامة رجع لها لزمن 1998م ، أينعم هو موش بعيد أوي ولكن ده اللى عرف يوصل له غبور ، قاللى أنه رجعلها فى الماضي وإستناها وهى خارجه من المدرسة ، ثم إعترض طريقها وقال لها " حببتي أنا خطيبك بتاع سنة 2009م " فلم يجد منها سوى قلم على خده أداره حول نفسه للحظات ثم تركته وأنصرفت ، ذكر لى الدكتور غبور أنه إستاء جدا من هذا الموقف فكيف تفعل به ذلك وهى خطيبته ، وبعد أن أقنعته أنها فى ذلك الوقت لم تكن تعرفه حيث أن أول لقاء جمعها مع بعض كان فى 2007 م ، ثم ذكر لى غبور أنه بعد هذا القلم فى الزمن الماضي قرر مراقبتها فى ذلك الزمن بعد المدرسة فوجدها تقابل أحد الشباب ويجلسوا جلسة كلها غرام وهيام ، فغضب جدا وقرر العودة للوقت الحاضر حتى يواجها بما رأه فى الماضي ، فقالت له ( يا حبيبي ليس العبرة بمن سبق ولكن العبرة بمن
صدق ) ومن يومها قرر غبور أنه لا حيبحث فى الماضي ولا المستقبل ،
وحرق ألة الزمن وباعها خردة وإشترى توك توك .


منقول لعيونكم
MANoOoOoOoRA
[/size]

____________________

[center]
الرجوع الى أعلى الصفحة اذهب الى الأسفل
اميرة الرومانسية
صـ،ـ،ـآح ــبـ/ـه المــنـ،ـ،تـدى
صـ،ـ،ـآح ــبـ/ـه المــنـ،ـ،تـدى
avatar

انثى
المشآركـآت : 1741
عمرى : 24
my best site : h11a.mam9
المكان : when my love
محل الميلاد : f 2lb 7abiby
التقييم : 4
عدد النقاط : 27248

مُساهمةموضوع: رد: قولوا عليا مسطول....!! ( حكايات موش من هنا ولكن من هناااااااااك)   الأربعاء 29 يوليو 2009 - 20:27

ههههههههههههه
يسلمو يا قمر على الموضوع
الموضوع جامد اخر حاجة
ثانكس ـ

____________________

الرجوع الى أعلى الصفحة اذهب الى الأسفل
محمد موافي
xX(همس مالو مثيل)Xx
avatar

ذكر
المشآركـآت : 1807
عمرى : 26
my best site : www.amrkhaled.net
المكان : الكويت مؤقتاً
محل الميلاد : للأسف........الكويت :(
التقييم : 1
عدد النقاط : 25808

مُساهمةموضوع: رد: قولوا عليا مسطول....!! ( حكايات موش من هنا ولكن من هناااااااااك)   الثلاثاء 8 سبتمبر 2009 - 4:59

لزيزة
بس انا عايز أعرف حاجه
في رقم 2
الميته هي مصر
والناس الي بيقتلو القتيل و يمشوا في جنازته دول الحكومه

شكلي هوديكو في داهيه
ههههههههههه
الرجوع الى أعلى الصفحة اذهب الى الأسفل
سلافة الندى
°•°• مشرفة قسم عيادة همس الليل الصحيه •°•°
°•°• مشرفة قسم عيادة همس الليل الصحيه •°•°
avatar

انثى
المشآركـآت : 1943
عمرى : 24
my best site : http://h11a.mam9.com
المكان : El-bra2a 7aysma twagadat
محل الميلاد : EgYpt
التقييم : 9
عدد النقاط : 26281

مُساهمةموضوع: رد: قولوا عليا مسطول....!! ( حكايات موش من هنا ولكن من هناااااااااك)   الثلاثاء 8 سبتمبر 2009 - 11:57

bs ya baba
mercii manora 3ala el-tar7
lazez moOoOot ya 2mr
domty bood

____________________


لـِنكُنْ آروَاحْ رَاقِـيَـة
نَتسـامْى عَنْ سَفـاسِفَ الـَأمُـورْ وَعـَنْ كُـلْ مَـايَخِدشُ نـَقائِنـا
نًحترِمْ ذآتنـَا وَنـَحتـِرمْ الغَـيْر .. عِنـدَمـْا نتـَحدثْ نتحَـدثْ بِعُمـْق
نـَطلبْ بـإدبْ .. وَنشُكر بـِذوَقْ .. وَنـَعتذِرْ بِـصدقْ
نتـَرفـْع عَـن التفَاهـَاتـْ والقِيـلَ والقـَالْ .. نُحِبْ بـِصَمتْ وَنغَضبْ بـِصَمتْ
وإنْ آردنـَا الـَرحِيلْ .. نَرحـَلْ بـِصَمتْ
الرجوع الى أعلى الصفحة اذهب الى الأسفل
 
قولوا عليا مسطول....!! ( حكايات موش من هنا ولكن من هناااااااااك)
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: 
{...همس العام ...
 :: oO(*... همس العام ...*)Oo
-
انتقل الى: