جمل بتشل في الشات ...

بعد التدقيق الشديد ف شرايط القنوات الفضائية ( شرايط الشات اللى بتبقى متلقحة ف آخر الشاشة !!!! ) و بعد التتنيح بالساعات قدام شاشة التلفزيون .. استطعت بقدرتى العبقرية و الفذة من نوعها أن أستنتج ........... ان نص الشعب حتما ًغبى و عايز الحرق !!!!!

لأ اللى بيحصل ده مش طبيعى !!! أنا قريت شوية جُمل يا جماعة بجد تنحت قدامها !! و بين كل جملة و جملة كان هيجيلى شلل

إليكم الشلل التالى


1-
*** ممكن حب اسكندرانى***
آيوووووووووووه و ماله !! طبعا زى ما انتوا عارفين فيه حب اسكندرانى و حب قاهرى و فيه فلاحى و فيه صعيدى !!! و اذا مشينا بالحدود شوية هنلاقى فيه حب لبنانى و حب امريكانى و صينى و يابانى !!!! و هكذا و مقولكوش بقى ع الحب المريخى !!!!
و برضه فيه حب بالفراخ و حب بالكباب و فيه بالشطة و اللمون !!!!!!! و يا سلام بقى ع الحب بالجبنة !!!
فظييييييييع !!! خصوصا لما بيتقطع عليه طماطم بيبقى مسخرة





*** أنا 75 سنة ممكن أتعرف على ليدى مناسبة***
خمسة وسبعين سنة يخرب بيته و قادر يمسك الموبايل و يبعت مسج ؟؟!!! ما شاء الله لسه ف عز شبابه برضه !! آه و ماله ممكن تتعرف على كركوبة مناسبة

3-
*** ممكن واحدة جميلة للصداقة و الحب و ياريت برضه للسفر ***
آه ممكن طبعا !!! و يا ترى حضرتك عايزها كام سلندر ؟؟؟؟؟؟؟؟؟؟

4-
*** أنا شاب متدين ممكن ليدى عندها شقة ***
آه و ماله !! و فيه برضه شقة و عليها ليدى مجانا !!!! و ياترى ايه مواصفات الشقة اللى عايزها ؟؟؟؟؟؟؟؟؟؟
لاحظوا انه متدين برضو
5-
*** أنا دلوعة و شبه نانسى عجرم ممكن أتعرف ***
آه و نص !! و ياترى واخدة من نانسى عجرم قفاها و لا كعب رجليها ؟؟؟؟؟؟؟؟
اتدلعى يا اختي و ماله !! و لما حضرتك أمورة كده امال بتعرضى نفسك ليه ع الشاشة ؟؟؟؟؟ ايه محدش راضى يشترى خلقة نانسى عجرم ؟؟؟ ايه الرجالة بقت بتطس ف نظرها ؟؟؟؟؟؟؟؟؟؟؟؟؟ لأ معندهمش حق

6-
*** أنا ف اعدادى ممكن أتعرف على بنت حلوة ***

هيا جات عليك ؟؟!! و ياترى عايزها ف سنة كام يا حبيبى ؟؟؟؟؟ ابتدائى و لا حضانة ؟؟؟؟؟؟؟ أنا بالشكل ده هيجيلى السكر

7-
***فلانة : أنا نكدية موت ممكن أتعرف على نكدى و ننكد على بعض ***
*** فلان : أنا نكدى مووووت !! و قعتك سودة و نهارك مش باينله لون ***
كان نفسى أمسكهم هم الاتنين وانكد عليهم


8
*** معاكى فلان ممكن أعرف اسمك سنك طلباتك ***
آه و ماله أنا فلان يا ابنى ... و اطلبلى واحد كباب و اتنين بانيه !!!!
احم احم .. و ياريت لو معاهم جوز حمام

9-
*** أنا عايز بنت للارتباط سمرا أو بيضا أو قمحى ما تفرقش ***
حمرا !!!!!!!!!!!! تاخدها حمرا ؟؟؟؟؟؟؟؟؟؟؟ طب ايه رأيك ف البنفسجى ؟؟؟؟ جديد و منزلش السوق

10 -
*** ممكن واحدة جميلة استايل عشان أحبها ***
آه و ماله !! أنا برضه عايز بطارية للموبايل بتاعى عشان أنا قربت أهنج !!!!!!



11-
*** لو انت بتحبنى بجد ممكن أديلك رقمى !! ***
يا ما شاء الله !!! انتوا بتحبوا بعض الأول و بعدين تتعرفوا على بعض ؟؟؟؟؟؟؟؟؟؟
تصدقوا بالله أنا دلوقتى بس عرفت أهمية السراية الصفرا

12-
*** فلانة : ممكن تعرفنى على نفسك عشان هتبقى حب العمر ***
*** فلان : هحكيلك عن حياتى كلها !!! .. أنا من النهارده ملك قلبك !!!!!! انتى حددى و انا تحت أمرك ***
أشوف فيكم يوم !!! الدماغ دى معجونة من ايه ؟؟؟؟ أنا خلاص هيجيلى شلل !!! ألطم يا اخوانا ؟؟؟؟؟

13 -

***أنا قلبى فاضى .... حد عايزنى أحبه ؟؟؟ ***
أنا مُت خلاص

15 -
فلانة : عرفنى على نفسك يا فلان و ابعت رقمك .. أنا بحبك أوى ، فلان : أنا اللى بحبببببببك أوييييى يا فلانة !! قوليلى صحيح هو انتى حلوة و لا ؟؟؟؟؟؟؟
لا تعلييييييييق ...... أنا شكلى هموت تانى
ثوانى أموت و ارجعلكم

كلمة أخيرة :
اللى بيحصل ده كتيييييييييير .. شئ مش يقبله لا قلب و لا عقل ولا منطق .. استهتار و استخفاف بالمشاعر و كذب مش ليه نهاية و ضحك ع العقول !!!! و الدهشة انه كل اتنين بينافقوا بعض و الوسيلة الرخيصة ...... الحب !!!!!! مع ان كل كلمة حب غالية أوى .... ايه اللى جرى للناس ؟؟؟؟؟؟؟؟
و ايه اللى جرى للمجتمع ؟؟؟؟؟؟؟؟
ايه التفاهة اللى احنا فيها دى يا
عاااااااااااااااااااااااااالم ؟؟

م
ن
ق
و
ل

هههههههههههههه
هههههههههههههههههههه
ههههههههههههه

شر البلية ما يضحك

بس بصراحة بجد حوارات جامدة
فعلا ناس أغبية

تسلم إيدك ميدو
نعإنك خليتني أصاب بشلل نصفي
و تقوص في العضلات

الله يسلمك موافي وتقوم بالسلامه

الناس شكلها اتجننت نوعا ما

ميرسي ع مرروك اللطيف

منور الموضوع

تحياتي

ههههههههههههههههههه

كتير كتير حلوه

الله لا يحرمنا من تالقك

دوما سلمت اناملك

انا فعلا لاحظت السخافات دي

خصوصا الحب القاهري و الاسكندراني

ثانكس لا تحرمنا من جديدك

دمت بوووود